`எளிய முறையில் வீட்டில் ஆலிவேரா ஜெல் தயாரிப்பது எப்படி?: Homemade Aloe Vera Gel (Aloe Vera Benefits) in Tamil

சிறப்புவாய்ந்த ஆலிவேரா தண்டு 

ஆலிவேரா மருத்துவ குணமுடைய அற்புதமான இயற்கை செடியாகும். இதன் இலைகளில் உள்ள ஜெல் பல விதமான சுகாதார மற்றும் அழகு நன்மைகளை தரக்கூடியது. தோலை மென்மையாக வைத்திருக்கவும், பிம்பிள்ஸ்  மற்றும் சிரங்குகளை குறைக்கவும் உதவுகிறது. சூரியகதிர்விற்றால்  ஏற்பட்ட சுடும் உணர்வை தணிக்கவும், இழந்த ஈரப்பதத்தை மீட்டெடுக்கவும் ஆலிவேரா சிறந்ததாக உள்ளது. முடி வளர்ச்சிக்கு உதவுவதுடன், முடி உதிர்தலையும் தடுக்கிறது. ஆலிவேராச்  சாறு செரிமானத்தை மேம்படுத்தி குடலை சுத்தம் செய்யும். இது உடலில் உள்ள அழற்சியை குறைக்கும் இயற்கை முறையாக செயல்படுகிறது. 

ஆலிவேரா  பயன்படுத்தினால் காயங்கள், வெட்டுகள் போன்றவை விரைவில் ஆறும். அழகு பராமரிப்பு மற்றும் இயற்கை சிகிச்சைகளிலும்  ஆலிவேரா முக்கியமான இடம் பெற்றுள்ளது.

ஆலிவேராவின் பலன்கள்:

தோல் பராமரிப்பை பாதுகாக்கும் ஆலிவேரா:

தோல் பராமரிப்புக்கு ஆலிவேரா இயற்கையான மாய்ஸ்சரைசராக செயல்பட்டு தோலை நன்கு ஈரமாக வைத்திருக்க உதவுகிறது. வெயிலின்  தாக்கம் காரணமாக ஏற்படும் சுடும் உணர்வை குறைக்கும். பிம்பிள், பருக்கள், சிரங்கு போன்ற தோல் பிரச்சனைகளை தணிக்கிறது. ஆலிவேரா ஜெல் தோலின் அழற்சியை குறைத்து, தழும்புகள் மற்றும் கருப்புப் புள்ளிகளை மங்கச்செய்கிறது.

இதனை முகக்கவசம் அல்லது தினசரி பயனாக பயன்படுத்தலாம். சருமத்தை மிருதுவாக்கி, பிரகாசமுடன் மின்னச் செய்கிறது. உடலில் இருக்கும்  தோல் சேதங்களை சரி செய்யும் திறனும் ஆலிவேராக்கு உள்ளது. தடிப்பான மற்றும் உலர்ந்த தோலுக்கு ஆலிவேரா சிறந்த இயற்கை தீர்வாக இருக்கிறது.

 முடி பராமரிப்பிற்கு உதவும்: 

ஆலிவேராவில் உள்ள  வைட்டமின் ஏ, சி, இ மற்றும் பி12, தலைமுடியின் வளர்ச்சியை ஊக்குவிக்கின்றன. ஆலிவேரா ஜெல் தலைமுடி மீது தடவினால் உலர்ந்த தோலையும், வறண்ட தலைமுடியையும் தணிக்க உதவுகிறது. ஆலிவேராவில் உள்ள ஆன்டி-பாக்டீரியல், ஆன்டி-ஃபங்கல் தன்மைகள் வறண்டத் தோலில் ஏற்படும் சிரங்கு, தோல் நோய்களை கட்டுப்படுத்துகிறது.

தலைமுடி அடர்த்தியாக வளரவும், விழுதைத் தடுக்கவும் இது உதவுகிறது. தலைமுடி சூழலை சுத்தம் செய்யும் தன்மை உள்ளதால், வேர்கள் வலுவாக வளர முடிகிறது. வாரத்திற்கு இருமுறை ஆலிவேரா ஜெலை எண்ணெயுடன் கலந்து பயன்படுத்தலாம். இது இயற்கையான ஹேர் கண்டிஷனராகவும் செயல்படுகிறது.

உடல் நலத்திற்கான பயன்கள்:

ஆலிவேரா உடல் நலத்திற்கு பல வகையில் பயனளிக்கிறது. ஆலிவேராவில் நிறைந்துள்ள ஆன்டிஆக்ஸிடெண்ட்கள் மற்றும் வைட்டமின்கள் நோய் எதிர்ப்பு சக்தியை உயர்த்துகின்றன. ஆலிவேரா ஜூஸை தினசரி குடிப்பது ஜீரணத்தை மேம்படுத்தும் மற்றும் வயிற்றுப் போக்கை கட்டுப்படுத்தும் தன்மையுடன், குடல் சுத்தமாகும். ரத்த அழுத்தத்தை சமநிலைப்படுத்தவும், இரத்தத்தில் உள்ள சர்க்கரை அளவை கட்டுப்படுத்தவும் உதவுகிறது. 

தோல் மற்றும் உடல் உறுப்புகளுக்கு தேவையான ஈரப்பதத்தை வழங்குகிறது. சிறுநீரக செயல்பாட்டை தூண்டி, உடலில் உள்ள நச்சுகளை வெளியேற்றுகிறது. எடை குறைக்க விரும்புவோருக்கு ஆலிவேரா சிறந்த துணையாக இருக்கிறது. இதன் ஆன்டி-இன்ஃபிளமடரி தன்மை மூட்டு வலிகளை குறைக்கும்.

ஆலிவேரா ஜெல் பருவ வயதில் ஏற்படும் பருக்கள், தோல் எரிச்சல், வெப்பக்காயம், சூரியக்கதிர் தாக்கம் போன்றவற்றை குறைக்கும் தன்மை கொண்டது. இதில் உள்ள நியாசினம், பொட்டாசியம், மற்றும் சிங்க் போன்ற சத்துகள் தோலை மெருகூட்டும். இது ஒரு இயற்கை மாய்ஸ்சரைசராக (moisturizer) செயல்பட்டு தோலை நன்கு ஈரமாக வைத்திருக்கிறது. மேலும், சுருக்கங்கள் மற்றும் வயதான தோல் தோற்றங்களை தடுக்க இது உதவுகிறது.

ஆலிவேரா ஜெல் கடைகளில்  காசுகொடுத்து வாங்காமல் எளிய முறையில் வீட்டிலே தயார் செய்யலாம். 

தேவையான பொருட்கள்:

ஆலிவேரா தண்டு - 2
எலுமிச்சை சாறு - 1/2
வெள்ளரிக்காய் - 5
விட்டமின் இ கப்சுயூல்(Vitamin E Capsule)- 3 

செய்யும் முறை:

தாவரத்தில் இருந்து எடுத்த ஆலிவேரா தண்டை எடுத்து வரும்போது நொடித்த பகுதியில் மஞ்சள் நிறத்தில் துர்நாற்றம் அடிக்கும். துர்நாற்றத்தை போக்க 30 நிமிடத்திற்கு வெளியில் தண்ணீர் ஊற்றி அதில் இந்த ஆலிவேரா தண்டை வையுங்கள். 30 நிமிடம் கழித்து ஆலிவேரா தண்டை எடுத்து தோலை நீக்கி உள்ளே இருக்கும் ஜெல்லை ஒரு பாத்திரத்தில் வைக்கவும்.  பின், மிக்சி ஜாரில் தனியாக எடுத்துவைத்த ஆலிவேரா ஜெல்லையும், வெள்ளரித்துண்டையும் போட்டு மென்மையாக அரைத்து விடுங்கள். அரைத்ததை வெள்ளை நிறத்துணியில் போட்டு நன்கு பிழிந்துக் கொள்ளுங்கள். அதனுடன் எலுமிச்சை சாறு, விட்டமின் இ கப்சுயூல்(Vitamin E Capsule) அனைத்தையும் சேர்த்து ஸ்பூனால்() நன்கு  கிண்டிவிடுங்கள். அவ்வளவுதான்  வீட்டுமுறை ஆலிவேரா ஜெல் தயார். இந்த ஜெல்லை குளிர்சாதனப்பெட்டியில் வைத்து 5 நாட்கள் வரை பயன்படுத்திக்கொள்ளலாம். 

விலையுயர்ந்த கெமிக்கல் பொருட்களுக்கு மாற்றாக இயற்கை ஆலிவேரா ஜெல்லை பயன்படுத்துவது மிகவும் பாதுகாப்பான முறையாகும்.

ஆலிவேரா ஜெல்லின் பயன்பாடு:

• இந்த ஜெல்லை முகத்தில், சருமத்தில் மற்றும் தலை முடியில் நேரடியாகப் பயன்படுத்தலாம்.
• தினமும் இரவில் ஆலிவேரா ஜெல்லை  முகத்தில் தடவி 15 நிமிடங்கள் கழித்து கழுவலாம்.
• முடி வளர்ச்சி மற்றும் முடி சுத்தத்திற்கு ஹேர் மாஸ்காகவும் பயன்படுத்தலாம்.

கவனத்தில் கொள்ளுங்கள்:

முகத்தில் ஆலிவேரா ஜெல்லை பயன்படுத்தும் போது, ஒரு சிறிய பகுதியில் தடவி ஒருமுறை சோதனை செய்து கொள்ளுங்கள். பின் முகப்பகுதியில் தடவுங்கள்.