வெயில்காலம் இயற்கையில் ஒரு மாற்றம் மட்டுமே. ஆனால் அதில் இருந்து நம்மை பாதுகாக்கும் முறைகள் எளிமையானவையாகவே இருக்கின்றன. காலச்சுழற்சி காரணமாக ஏற்படும் வெப்பநிலை உயர்வுகளுக்கு ஏற்ப உணவு பழக்கவழக்கங்களில் மாற்றம் கொண்டு வர வேண்டும். மேலும், பசுமைச் சூழலை அதிகரிக்க மரங்களை நடுதல் போன்ற முயற்சிகள், வெப்பத்தை குறைக்கும் வகையில் பெரும் பங்களிப்பை செய்யும். மிகவும் வெயிலாக இருக்கும் நேரங்களில் (மதியம் 12 மணி முதல் 3 மணி வரை), வெளியில் செல்லாமல் வீட்டிலேயே இருக்கலாம். அவசியமான வேலைக்காக வெளியே செல்லும்போது, தடையில்லா துணிகள், தொப்பி, கண்ணாடி, குடை போன்றவற்றை பயன்படுத்தி சூரிய ஒளியைத் தவிர்க்கலாம்.
வெயில் காலத்தில் (சமர் சீசனில்) முகத்துக்கும் உடலுக்கும் பாதுகாப்பு தரக்கூடிய சத்துக்கள் நிறைந்த பழங்களைச் சாப்பிடுவது மிகவும் முக்கியமாகும் இந்த பருவத்தில், உடலின் நீர்ச்சத்தை பராமரிக்க அதிக தண்ணீர், நார்ச்சத்து மற்றும் வைட்டமின் நிறைந்த பழங்கள், காய்கறிகள் போன்றவற்றை உணவில் சேர்க்க வேண்டும். இவை சருமத்தை உள்ளிருந்து பாதுகாக்கவும், உடல் வெப்பத்தை கட்டுப்படுத்தவும் உதவுகின்றன. இப்பொது வெயில் காலத்திற்கு உகந்த சிறந்த பழங்கள் பற்றி பார்க்கலாம்.
தர்பூசணிப் பழம்(Watermelon):
தர்பூசணி கோடை காலத்தில் அதிகம் பிரபலமான, தண்ணீர் சத்து நிறைந்த பழமாகும். இது சுமார் 90% தண்ணீரைக் கொண்டிருப்பதால், உடலுக்கு குளிர்ச்சி மற்றும் நீர்சத்து வழங்குகிறது. இதில் வைட்டமின் ஏ,சி மற்றும் ஆன்டி-ஆக்ஸிடன்ட்கள் நிறைந்துள்ளன, அவை சரும நலனுக்கு மற்றும் நோய் எதிர்ப்பு சக்திக்கு உதவுகின்றன.
தர்பூசணியில் உள்ள லைகோபீன், இதய நலம் மற்றும் சூரிய ஒளி பாதிப்பைத் தடுக்கும். இதன் விதைகளும் புரதம் மற்றும் தாதுக்கள் நிறைந்தவை. இது சிறுநீரகங்களை சுத்தம் செய்யவும் உதவுகிறது. வெப்பத்தால் ஏற்படும் சோர்வு, வெயிலடிப்பு போன்றவற்றைத் தவிர்க்க சிறந்தது. கொழுப்பு குறைந்த இந்த பழம் உடல் எடை குறைக்கும் திட்டத்திற்கும் ஏற்றது. எனவே தர்பூசணி சுவையானதும், சத்தும் நிறைந்ததும், கோடைக்கால நண்பனாகும்.
வாழைப்பழம்(Banana):
வாழைப்பழம் வெயில் காலத்தில் உடலை பாதுகாக்கும் சக்தி வாய்ந்த சிறந்த பழமாகும். இதில் பாசுபட்ட தண்ணீரும், முக்கிய தாதுக்கள் மற்றும் வைட்டமின்களும் இருப்பதால், வெப்பத்தில் நீரிழப்பை தவிர்க்க உதவுகிறது. பொட்டாசியம் நிறைந்த வாழைப்பழம், உடலின் எலெக்ட்ரோலைட் சமநிலையைச் சரிசெய்கிறது. இது நரம்பு மற்றும் தசை செயல்பாடுகளை சீராக்கி, வெப்பத்தால் ஏற்படும் தளர்வை தவிர்க்க உதவுகிறது.
வாழைப்பழம் ஜீரணத்திற்கு நல்லது; வெப்பம் காரணமாக ஏற்படும் வயிற்றுப்போக்கு மற்றும் உடல் சோர்வுக்கு நிவாரணம் தரும். இதில் உள்ள நார்ச்சத்து, எடை குறைக்கும் பயணத்திலும் உதவுகிறது. வெயில் காலத்தில் தினசரி ஒரு வாழைப்பழம் சாப்பிடுவது உடலை ஆற்றலுடன் வைக்கும். மேலும், சரும நலத்தையும் மேம்படுத்தும் தன்மை கொண்டது. வாழைப்பழம் எளிதாகக் கிடைக்கும், சாப்பிட எளிதான, சிறந்த கோடை பழமாக கருதப்படுகிறது.
மாம்பழம்(Mango):
மாம்பழம் என்பது “பழங்களின் ராஜா” என்று அழைக்கப்படும், சுவையும் சத்தும் நிறைந்த கோடை பருவ பழமாகும். இதில் வைட்டமின் ஏ, சி மற்றும் இ அதிகம் இருப்பதால், நோய் எதிர்ப்பு சக்தியை உயர்த்தும். வைட்டமின் ஏ காண்வதற்கான திறனை மேம்படுத்தும் மற்றும் சரும ஆரோக்கியத்தையும் பராமரிக்கும். மாம்பழத்தில் உள்ள ஆன்டி-ஆக்ஸிடன்ட்கள் மற்றும் ஃபைபர் (நார்ச்சத்து) ஜீரணத்தை மேம்படுத்துகின்றன.
இது இருதயநலத்துக்கு உதவுவதோடு, இரத்த அழுத்தத்தையும் கட்டுப்படுத்தும். மாம்பழத்தில் உள்ள கார்போஹைட்ரேட் உடனடி ஆற்றல் அளிக்கும். வெயில் காலத்தில் ஏற்படும் சோர்வு, நீரிழப்பு ஆகியவற்றைத் தணிக்கவும் உதவுகிறது. மாம்பழம் தோலுக்கு இனிமையும் பிரகாசமும் தரும். இது கோடைகாலத்தில் மலிவாக கிடைக்கும் சுவை மிகுந்த பழமாகும்.
முலாம்பழம் (Muskmelon):
முலாம்பழம் வெயிலுக்கு உகந்த சிறந்த பழமாகும். முலாம்பழத்தில் அதிக அளவில் தண்ணீர் இருப்பதால், உடலை ஹைட்ரேட் செய்து, வெப்பத்தால் ஏற்படும் நீரிழப்பைத் தடுக்க உதவுகிறது. இதில் வைட்டமின் ஏ, சி மற்றும் பொட்டாசியம் நிறைந்துள்ளன, இது தோல் சீராக இருக்கவும், நோய் எதிர்ப்பு சக்தி அதிகரிக்கவும் செய்கிறது. முலாம்பழம் உடல் வெப்பத்தை சமநிலைப்படுத்தி, சோர்வை குறைக்கும். முலாம்பழத்தில் உள்ள நார்ச்சத்து ஜீரணத்தை மேம்படுத்தும்.
மலச்சிக்கலைத் தடுக்கும் திறமையும் முலாம்பழத்திற்கு உள்ளது. இதன் இயற்கையான இனிப்பு சுவை, சர்க்கரை குறைவாக உள்ளவர்களுக்கு ஏற்றது. முலாம்பழச் சாறு கோடையில் உடல் ஆற்றலை அதிகரிக்க உதவுகிறது. முலாம்பழம் சிறுநீரகங்களை சுத்தம் செய்து, டாக்ஸின்களை வெளியேற்றும். வெயில் காலத்தில் தினசரி முலாம்பழம் உணவில் சேர்த்தால் உடல் மற்றும் தோல் ஆரோக்கியமாக இருக்க உதவியாக இருக்கும்.
கொய்யாப்பழம்(Guava):
வெயில் காலத்தில் கொய்யா பழம் சாப்பிடுவது உடலுக்கு பல விதங்களில் பயன்களை தருகிறது. இதில் வைட்டமின் சி மிக அதிகமாக இருப்பதால், நோய் எதிர்ப்பு சக்தியை அதிகரிக்கிறது. கொய்யாவில் நார்ச்சத்து நிறைந்திருப்பதால், ஜீரணத்தை மேம்படுத்தி மலச்சிக்கலை தடுக்கும். இதில் உள்ள ஆன்டி-ஆக்ஸிடன்ட்கள் மற்றும் லைகோபீன், சூரிய ஒளிக் காரணமாக தோலில் ஏற்படும் சேதத்தைத் தடுக்கும். வெயிலால் ஏற்படும் உடல் சோர்வை குறைத்து, புத்துணர்ச்சி தரும்.
கொய்யாப் பழம் உடலை குளிர்விக்க வைக்கும் தன்மை கொண்டது. இதில் உள்ள பொட்டாசியம், இரத்த அழுத்தத்தை கட்டுப்படுத்தும். கொய்யா விதைகள் உடல் சக்தியை அதிகரிக்க உதவுகின்றன. இது சந்தையில் எளிதாகக் கிடைக்கும் மற்றும் குறைந்த செலவில் கிடைக்கும் சத்தான சிறந்த பழமாகும்.
அன்னாசிப் பழம் (Pineapple):
அன்னாசிப் பழத்தில் அதிக அளவில் தண்ணீர் உள்ளதால், உடலை குளிர்விக்கவும் நீரிழப்பைத் தவிர்க்கவும் உதவுயாக உள்ளது. இதில் வைட்டமின் சி, மாங்கனீஸ் மற்றும் ஆன்டி-ஆக்ஸிடன்ட்கள் நிறைந்த இந்த பழம் நோய் எதிர்ப்பு சக்தியை அதிகரிக்கிறது. அன்னாசியில் உள்ள ப்ரோமேலைன்(bromelain) எனும் இயற்கை என்ஜைம் ஜீரணத்தை மேம்படுத்தி, அடிக்கடி வெப்பத்தில் ஏற்படும் வயிற்றுப்போக்கு, மந்த ஜீரணம் போன்ற பிரச்சனைகளுக்கு நல்ல தீர்வாக செயல்படுகிறது.
அன்னாசிப் பழம் பித்தம் குறைத்து, உடல் வெப்பத்தை சமநிலைப்படுத்துகிறது.தோல் ஆரோக்கியத்தையும் மேம்படுத்தும் சக்திக் கொண்டது அன்னாசிப் பழம். வெயிலால் ஏற்படும் சோர்வை குறைத்து புத்துணர்ச்சி தரும். அன்னாசிப் பழச்சாறு கோடையில் இயற்கை எனர்ஜி டிரிங்காகவும் பயன்படுகிறது.
திராட்சைப் பழம்(Grapefruit):
திராட்சை பழத்தில் அதிக அளவில் தண்ணீர் இருப்பதால் உடலுக்கு குளிர்ச்சியை தரும் சிறந்த பழமாக இருக்கிறது. திராட்சையில் வைட்டமின் சி, கே மற்றும் ஆன்டி-ஆக்ஸிடன்ட்கள் அதிகம் உள்ளதால், தோலை பாதுகாக்கவும், உயிரணுக்களை ஒளிக்கதிர்வியலால் ஏற்படும் சேதத்திலிருந்து காப்பதிலும் உதவியாக உள்ளது. இதில் உள்ள ரெஸ்வெரட்ரால்(resveratrol), இதயநலத்திற்கும், வயது தொடர்பான பாதிப்புகளுக்கு எதிராகவும் செயல்படுகிறது.
வெப்பத்தால் ஏற்படும் உடல் சோர்வை குறைக்க திராட்சை உதவுகிறது. சிறுநீரகங்களை சுத்தப்படுத்துவதிலும், ஜீரணத்தை மேம்படுத்துவதிலும் முக்கிய பங்கு வகிக்கிறது. குறிப்பாக கருப்பு திராட்சை வெப்பத்தைக் குறைக்கும் தன்மை கொண்டது. மேலும்,சருமத்தை பளிச்சிட வைத்தும், நரம்பு செயல்பாட்டை சீராக்கவும் செய்கிறது. வெயில் காலத்தில் தினசரி ஒரு கைப்பிடி திராட்சை சாப்பிடுவது உடலுக்கு சத்தும் குளிர்ச்சியும் தரும். ஆதலால், திராச்சைப் பழம் தினமும் சாப்பிடுவது மிகவும் நல்லது.
வெயில் காலம் இயற்கையின் பருவ மாற்றமாக இருந்தாலும், உடலுக்கும் மனதுக்கும் சவாலானதாக அமைகிறது. இந்த பருவத்தில் அதிக வெப்பம், வியர்வை, நீரிழப்பு போன்றவை ஏற்படுவதால், ஆரோக்கியத்தில் சிறிதும் கவனம் குறையக் கூடாது. சரியான உணவுகள், பழங்கள், நீர் உட்கொள்ளும் பழக்கம் மற்றும் உடல் பராமரிப்பு வழிமுறைகள் மூலம் வெயில் காலத்தையும் நமக்கு சாதகமாக மாற்றிக் கொள்ள முடியும். இயற்கைச் சத்தான உணவுகளைப் பெரிதும் உணவில் சேர்த்து, உடலையும் மனதையும் குளிர்வாக வைத்திருக்க வேண்டும். வெப்பத்தை சமாளிக்க பரிந்துரைக்கப்படும் பழங்கள் மற்றும் பாதுகாப்பு நடைமுறைகளை பின்பற்றி, நலம் மற்றும் புத்துணர்ச்சியுடன் வெயில் பருவத்தைக் கடக்கலாம்.
0 Comments
Comments